Portýgalıalyq fýtbolshy Krıshtıaný Ronaldý Saýd Aravıa klýby «Al-Nasrmen» kelisimshartqa otyrdy, dep habarlaıdy Almaty-akshamy.kz Inform.kz-ke silteme jasap.
Aqparatqa sáıkes, 37 jastaǵy forvardpen kelisim eki jylǵa jasalǵan.
BAQ-tardyń málimetinshe, Ronaldý jarnamalyq kelisimderdi qosa eseptegende jylyna 200 mln eýro jalaqy alatyn bolady.
«Al-Nasr» klýbynyń jumysy asa shabyttandyrady jáne joǵary jetistikterge jetý úshin komandalas dostarymnyń qataryna qosylýǵa qýanyshtymyn», - dedi áıgili fýtbolshy.
Atalǵan klýbtyń dırektorlar keńesiniń tóraǵasy Mýsalı Al Mýammardyń aıtýynsha, bul kelisim jaı ǵana tarıhı betti bastaý emes, odan da aıtýly oqıǵa.
«Al-Nasr» Saýd Arabıasynyń segiz márte chempıony (sońǵy tıtýldy 2019 jyly ıelendi) atanǵan klýb.
Ronaldý jýrnalıs Pırs Morganǵa suhbat bergennen keıin daý týyndap, «Manchester Iýnaıted» qarasha aıynda onymen kelisimshartty úzgen edi. Osydan keıin Krıshtıaný Qatarda ótken 2022 jylǵy álem chempıonatyna attandy. Alaıda ol sátsiz oıyn kórsetti: portýgalıalyq fýtbolshy bes oıynda tek bir gol ǵana soqty, onyń ózinde eki oıyndy qosalqy quram oryndyǵynda ótkizip shyqty. Jalpy, Portýgalıa quramasy týrnırdiń shırek fınalynda Marokko quramasyna 0:1 esebimen jeńilip qaldy.