Shahmattan blıts boıynsha áıelder arasynda álem chempıony atanǵan otandasymyz Bıbísara Asaubaeva jeńísten keıíngí áserímen bólístí, dep habarlaıdy Almaty-akshamy.kz Inform.kz-ke sílteme jasap.
«Bír ózenge ekínshí márte túse almaısyń degen sóz bar. Degenmen ol ózen, al būl - shahmattan álem chempıonaty. Onyń ústíne chempıonat Otanym – Qazaqstanda óttí. Chempıondyqty saqtap qalyp, ekínshí ret shahmattan blıts boıynsha áıelder arasynda álem chempıony atanu – úlken jauapkershílík. Meníń qolymnan keldí. Būl joly 13 sany jeńís ákeldí, men osynsha ūpaı jınap, bírínshí orynǵa ıe boldym.
Menen «Jeńíske jetudíń basty qaǵıdasy ne?» dep jıí sūraıdy. Aıtarym, būl jerde bárí mańyzdy. Daıyndyqtan bastap, psıhologıyalyq tūrǵydan ázír bolu, jaqyndarym men jankúıerlerdíń qoldauyna deıín», - dep jazdy Bıbísara Asaubaeva Instagram paraqshasynda.
Shahmatshy qyz būl jolǵy daıyndyqty ǵaryshqa saparǵa ázírlíkpen teńedí.
«Anam úzdík jattyqtyrushylarmen daıyndyq ūıymdastyrdy. Kúndelíktí tyńǵylyqty daıyndaldym, sońynda... auyryp qaldym. Jarys kúnderí ystyǵym joǵary boldy. Kóńíl-kúı tústí. Bíraq, anashym der kezínde qoldau kórsettí. «Sara, bárí oıdaǵydaı bolady»,- dedí anam. Aıtqany keldí. Anam ne aıtady, rasynda, solaı bolady. Men baqyttymyn, shahmattan álem chempıonatynyń Qazaqstanda ótkeníne quanyshtymyn. «Altyndy» tuǵan jerímde qaldyrdym», - deıdí álem chempıony.
Jas álem chempıony kezektí jeńísín ata-anasyna arnaıdy.
«Maǵan sením artqandarǵa alǵysym sheksíz. Mení qoldaǵan, jeńíske jetude jígerlendírgen barsha qazaqstandyqtarǵa, shahmatshylar men jankúıerlerge alǵys aıtamyn. Sízderdí qūrmetteımín. Qoldausyz qıynǵa túser edí», - dedí Bıbísara Asaubaeva.