Mádenıet jáne aqparat vıse-mınıstri Evgenıı Kochetov kreatorlarmen kezdesý ótkizdi.
Kezdesýge prodúserler, mýzykanttar men dızaınerler, sýretshiler, anımatorlar, ústel oıyndaryn ázirleýshiler, avtorlyq quqyq salasyndaǵy sarapshylar jáne t.b. qatysty, dep habarlaıdy aqshamnews.kz.
Taraptar kreatıvti ındýstrıany damytýǵa baǵyttalǵan ózekti memlekettik bastamalardy talqylady. Atap aıtsaq, Memleket basshysy Qasym-Jomart Toqaev qol qoıǵan kreatıvti ındýstrıany damytý týraly zań men ekonomıkalyq salaǵa memlekettik qoldaý kórsetý jáne yntalandyrý qaǵıdalary aıqyndalǵan buıryq jobasyn sóz etti.
Atalmysh sharalar shyǵarmashylyq sektordy komersıalandyrý jáne halyqaralyq naryqta qazaqstandyq kreatıvti ónimder men qyzmetterdi ilgeriletý úshin qolaıly jaǵdaı jasaýǵa baǵyttalǵan.
Sonymen qatar bıyl Úkimet talanttardy izdeý jáne qoldaý, ınfraqurylymdy damytý, ónimderdi eksporttaý men komersıalandyrýǵa járdemdesýdi kózdeıtin arnaıy qor quratyn bolady.