Almaty oblysynyń kovıdtik aýrýhanalarynda 88 naýqas em alyp jatyr.
Elimizdiń batys aımaǵyndaǵy aýrýshańdyq kórsetkishteri de qalypty, kúrdelený jaǵdaılary joq, dep habarlaıdy Almaty-akshamy.kz Sanıtarlyq - epıdemıologıalyq baqylaý komıtetine silteme jasap.
Elimizdiń basqa óńirlerindegi ahýal qandaı?! Túrkistan oblysynda koronavırýs ınfeksıasy boıynsha epıdemıologıalyq jaǵdaı turaqty. Óńirde ınfeksıalyq stasıonarlarda 809 tósek-oryn jasaqtalǵan, degenmen qazirgi ýaqytta barlyǵy bos, óıtkeni COVID-19 dıagnozymen birde-bir naýqas joq.
Aqtóbe oblysynyń ınfeksıalyq stasıonarynda 5 naýqas emdelse, Batys Qazaqstan oblysynda 3, Mańǵystaý oblysynda 6 naýqas em qabyldaýda.
Qyzylorda oblysynda stasıonarlyq emde 10 pasıent, Shymkentte 12, Aqmola oblysynda 14, Pavlodar men Qaraǵandy oblystarynda 26, Nur-Sultanda 30, Jambyl oblysynda 35, Shyǵys Qazaqstan oblysynda 40, Soltústik Qazaqstan oblysynda 38, Almaty qalasynda 49 adam bar.
Emdelýshilerdiń eń kóp sany Almaty oblysynyń kovıdtik aýrýhanalarynda – 88 naýqas. Koronavırýs ınfeksıasynan qorǵanýdyń eń tıimdi joly – aýrýdyń aldyn alý.
Eger árbir azamat ujymdyq ımýnıtet qalyptastyrý úshin vaksınalaý qarqynyn tómendetpeı, revaksınalaýdan ýaqytyly ótýdi jalǵastyratyn bolsa, aýrýhanalarynda birde-bir naýqas qalmaǵan Atyraý men Túrkistan oblystaryndaǵydaı jaǵdaı elimizdiń ózge de aımaqtarynda oryn alýyna úles qosqan bolar edi.