Topyraq massasy Kishi Almaty ózenine túsip, ózen arnasyn bógep tastady.
450-500 tekshe metr topyraq syrǵymasy «Jaılaý» etno-kafesiniń aýmaǵyna túsken, dep habarlaıdy Almaty-akshamy.kz
Almaty qalasy Medeý aýdanynda topyraq kóshkini júrdi. 28 naýryz kúni túski saǵat 15:00 shamasynda Almaty qalalyq tótenshe jaǵdaılar departamentine Medeý aýdany, «Kóktóbe» yqshamaýdanynda ornalasqan «Jaılaý» etno-kafesiniń aýmaǵyna 450-500 tekshe metr topyraq syrǵymasynyń túskeni týraly aqparat tústi.
«Topyraq massasy Kishi Almaty ózenine túsip, ózen arnasyn bógep tastady. Jaýyn-shashyn saldarynan topyraq ylǵaldanyp ketken. Abyroı bolǵanda, qaza bolǵandar men zardap shekkender joq. Qazirgi ýaqytta balshyq massasyn tazalaý jumystaryn «Ana Jer Qurylys» JSHS (30 adam, 3 birlik tehnıka) júrgizýde. Oqıǵa ornyna Medeý aýdany TJ basqarmasynyń, «Qazseldenqorǵaý» MM bastyǵy bardy», - dep habarlady TJD.