Qutqarýshylar ony shamnyń batareıasyndaǵy jeke nómiri arqyly tanyǵan.
Keshe keshke Kostenko shahtasynda taý-ken tazartý kenshisi Aleksandr Prokýdınniń denesi tabyldy, dep habarlaıdy Almaty-akshamy.kz jergilikti ákimdiktiń málimetine silteme jasap.
6 qarasha kúni keshke taý-ken qutqarýshylary jaqynda ǵana apat bolǵan Qaraǵandy oblysy Kostenko atyndaǵy shahtadan 46-shy kenshiniń denesin tapty.
"6 qarasha kúni saǵat 20:00-de Kostenko atyndaǵy shahtadan qaza tapqan 46-shy kenshiniń denesi tabylyp, jer betine kóterildi. Tıisti saraptamalar júrgizildi. İzdestirý jumystaryna "Kásibı áskerı avarıalyq-qutqarý qyzmetteriniń respýblıkalyq ortalyq shtaby" JSHS Qaraǵandy fılıalynyń taý-ken qutqarýshylary jumyldyryldy. İzdeý jumystary táýlik boıy júrgizildi",-dep habarlady Qaraǵandy oblysynyń ákimdigi.
Aıta keteıik, buǵan deıin tótenshe jaǵdaılar mınıstrligi onyń denesiniń bir bóligi tabylǵanyn habarlaǵan bolatyn. Alaıda mınıstrlik saraptama qajet ekenin aıtyp, resmı túrde aqparat bermegen edi.