Tótenshe jaǵdaılar mınıstri Syrym Sháriphanov «Kostenko» shahtasyndaǵy jaǵdaı týraly baıandady
31 qazanda QR Premer-Mınıstri Álıhan Smaılovtyń tóraǵalyǵymen ótken Úkimet otyrysynda Tótenshe jaǵdaılar mınıstri Syrym Sháriphanov Kostenko atyndaǵy shahtadaǵy jaǵdaı týraly baıandady, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
Búgingi kúni izdestirý-qutqarý jumystary barysynda 45 kenshiniń denesi jáne aldyn-ala boljam boıynsha 46-shy qaza tapqan adamnyń dene bólshekteri tabyldy.
Qaıtys bolǵan 40 adamnyń jeke basy anyqtaldy, 6-ýy anyqtalmady. Olardy sáıkestendirý úshin tıisti saraptamalar júrgiziledi.
İzdeý jumystary elektr energıasynyń bolmaýymen, taý-ken qazbalarynyń uzyndyǵymen, kóptegen buzylǵan mehanızmderdiń bolýymen qıyndady. Sý basqan jekelegen taý-ken qazbalarynda jumys jasaý qıynǵa tústi.
Qazirgi ýaqytta ashyq janý oshaqtary joq, gaz jaǵdaıy qalypty. Shahtanyń qyzmetin qalpyna keltirý úshin taý-ken qazbalaryn zertteý jáne jekelegen ýchaskelerde sý sorý jumystary júrgizilýde.
«Avarıanyń sebepterin tergep-tekserý sheńberinde Úkimettik komısıa múshelerimen birge shahtaǵa tústim. Biz óte mańyzdy buzylýlardy anyqtadyq. Taý-ken qazbalarynda shahta jabdyqtary jyljyp ketken. 15-ten astam oqshaýlaǵysh bógetter men jeldetý qurylystary qıraǵan», - dep atap ótti mınıstr.
Qazirgi ýaqytta taǵy 7 shaǵyn komısıa qurylyp, jumys istep jatyr. Sonymen qatar tergeýge Qazaqstannan jáne shetelderden saraptamalyq uıymdar tartyldy.
Esterińizge salaıyq, aǵymdaǵy jylǵy 28 qazanda saǵat 2-den 36 mınýt ketkende «ArselorMıttal Temirtaý» AQ Kómir departamentiniń Kostenko atyndaǵy shahtada tereńdigi 700 metrde janý bolyp, keıinnen metan-aýa qospasynyń jarylýy oryn aldy. Bul jerge dereý «Kásibı áskerılendirilgen avarıalyq-qutqarý qyzmetteriniń respýblıkalyq ortalyq shtaby» JSHS Qaraǵandy fılıalynyń kúshteri jiberildi.
Avarıa kezinde aýysymda 252 kenshi boldy, onyń 201-i ózdiginen kóterilip, 5-i taý-ken qutqarý kúshterimen tabylyp, jer betine shyǵaryldy.
Jalpy, 30 qazannan bastap Qaraǵandy oblysynyń bes shahtalarynda (Abaı, Saran, Shahtınsk, Kúzembaev jáne Lenın atyndaǵy)óndirý prosesteri qaıta jandandy.
«Tentek» shahtasynda tek daıyndyq jumystary júrgizilýde.
«Qazaqstan» shahtasynda onyń qarqyndy jumys isteýi úshin barlyq jumystar qamtamasyz etilýde jáne aerogaz jaǵdaıy baqylaýda.