2008 jyly ózin táýelsiz memleket dep jarıalaǵan Kosovo men Serbıa arasyndaǵy azamattardyń qatynaýyna qatysty týyndaǵan janjal sheshildi. Bul týraly Almaty-akshamy.kz 24.kz-ke silteme jasap habarlaıdy.
Eýroodaq ókilderi jáne eki el delegasıasynyń qatysýymen ótken kelissózderden keıin taraptar osyndaı mámlege keldi. Kezdesý qorytynysy boıynsha Serbıa men Kosovo eki el azamattarynan shekara asqanda arnaıy qujat talap etpeýge kelisti.
Aıta ketken jón, óńirdegi ahýal shildeniń sońynda ýshyǵyp ketken. Kosovo bıligi kórshi elden kelgender úshin ýaqytsha qujattar engizýge nıeti baryn aıtqan. Málimdeme sońy janjalǵa ulasyp, serbter narazylyqqa shyqqan. Saldarynan birneshe adam jaraqat alǵan edi.