Qonaev qalasy ákimdiginiń jolaýshylar tasymaly jáne avtomobıl joldary bóliminiń basshysy Baǵdat Alıevtiń aıtýynsha, byltyr Kóshpendiler qalashyǵyna jol salý úshin jobalyq-smetalyq qujattama ázirlengen, dep habarlaıdy aqshamnews.kz.
— Memlekettik saraptamanyń oń qorytyndysy alynǵan jaǵdaıda búdjettik ótinim berilip, qurylysqa aqsha bólý máselesi qarastyrylady, — dedi bólim basshysy.
Sonymen qatar Baǵdat Alıev Qonaev qalasynda 9 marshrýt boıynsha 28 dana qoǵamdyq kólik qatynaıtynyn atap ótti. Byltyr qala avtoparki 2 avtobýspen tolyqsa, bıyl jańa 5 kólik alý josparlanǵan.
— Áleýmettik mańyzy bar marshrýttardy sýbsıdıalaýǵa 2024 jyly Qonaev qalasyna 602,2 mln teńge bólindi. Bıylǵa kelisimshart qańtar aıynda jasalady, — dedi ol.