Júrgizýshiler arasyndaǵy ózindik «til»
Búgingi kúni qalamyzda kólik kún ótken saıyn kóbeıip keledi. Kólik kóbeıgen saıyn kóldeneń máseleniń kóbeıetini de belgili. Kólik deseń eń aldymen keptelis oıǵa keledi. Mine, saǵattap ýaqytyn sarp etetin júrgizýshiler arasynda qalyptasqan ózindik bir mádenıet bar. Ol jaıynda bilesiz be?
Almaty deseń uzaq sonar keptelisimen kóz aldyńa keledi. Osynaý keptelistiń sheshimin tappaý jatýynyń bir ushynda osy mádenıettiń jatqanyn jasyra almaımyz. Búgingi kún erteńgi tarıh demekshi, ótkenge oı shomsaq. Shamada osydan 10 jyldaı buryn keptelis qalanyń kez kelgen kóshesinde bolatyn. Mine, sol kezde júrgizýshiler bir-birine degen qurmet pen mádenıetiniń arqasynda tyǵynnyń tyǵyrshyǵyn taýyp, der kezinde sheshimin tapqanyn talaı ret kórdik. Al búginde she? Oılandyrady...
Kólikke otyrmas buryn júrgizýshiler arasynda qlyptasqan «tildi» meńgerýińiz kerek. Qazir kólikti jastar jaǵy kóbirek júrgizedi. Nátıjesinde bir-birine jol bermeý, aýzyna aq ıt kirip, kók ıt shyqqan balypyt sózderdi boratqan «jigitterdi» kórip júrmiz. Keıde keptelisten júıkesi tozǵan dep qoıatynymyz bar. Shyndyǵynda bul mádenıettiń kemdigi shyǵar?
Sýret: ashyq derekkóz
Joǵaryda aıtqanymyzdaı on jyl buryn bir kúnge deıin kepteliste turǵan kezder kezdesti. Sol kezdiń ózinde júrgizýshiler aralaryn ashyp, turaqtan shyqqan kólikti jiberetin. Qazir bul kórinisti kórmeısiz. Turaqtan shyqqan kólikti kórgen júrgizýshi jyldamdyqty asyryp, álgi kólikti júrgizbeýge tyrysyp jatady. Bul kúndelikti ádetke aınalǵandaı.
Raqmet aıtý – izettilik
Turaqtan shyqqan kólik kósheniń kelesi betine ótip, burylý úshin qysqa joldy uzartyp jatady. Nege? Jol suraǵan áriptesine eregisken júrgizýshi qasarysyp, burylýǵa tyıym salynǵan jolaqqa deıin alyp barady. Nátıjesinde, qysqa jol uzarady. Ári, keptelistiń bolýyna túrtki bolyp jatqanyn sezbeıtin sekildi...
Osy rette taǵy bir másele... Jol berseń aldyńa túsip, taırańdap júre beredi. Júrgizýshiler arasynda raqmet aıtýdyń ózindik úlgisi qalyptasqan. Júrýge múmkindik berdi me, aldyǵy túsken soń apattyq jaryqty qosyp, alǵysyńdy jetkizedi. Alaıda sońǵy kezderi bul úrdiste qalyp bara jatyr.
Mine, kóshe mádenıeti kóp máseleni sheshedi. Biraq, sol mádenıetti saqtasańyz keptelis azaıyp, júıkeńizge aýyr salmaq túspeıdi. Siz júrgizýshi mádenıetin saqtaısyz ba?