Dúnıejúzilik densaýlyq saqtaý uıymynyń habarlaýynsha, uzaqqa sozylatyn koronavırýstyń 200-den asa sımptomy anyqtalǵan, dep habarlaıdy almaty-akshamy.kz BAQ.KZ silteme jasap.
Olardyń ishinde eń jıi kezdesetini - entigý, kognıtıvti dısfýnksıa jáne sharshaý. Bul týraly DDSU ókili Djanet Dıas aıtty, dep habarlady RIA Novostı.
Qazir COVID-19 juqtyryp, uzaq ýaqyt aýyrǵan adamda entigý, dısfýnksıa, sondaı-aq sharshaý baıqalady. Bul - eń kóp taralǵan úsh sımptom. Alaıda is júzinde pasıentterde 200-den asa belgi anyqtalǵan. Sondyqtan tizim óte uzaq, - dedi Dıas onlaın baǵdarlama barysynda.
Ol keıbir málimet boıynsha bul belgiler úsh-toǵyz aıǵa deıin sozylýy múmkin ekenin aıtty.
Dıastyń aıtýynsha, vırýs juqtyryp, jazylǵannan keıingi sındromy bar naýqastarǵa dárigerler, psıhologtar jáne áleýmettik qyzmetkerlerdiń kómegine júginýge týra keledi.
Naqty emdeýge keletin bolsaq, onyń emi áli joq. Sebebi naqty zertteý joq. Biz aýrýdyń damýynyń naqty sebebi nemese mehanızmi týraly kóbirek bile otyryp, arnaıy em taǵaıyndaýǵa qaýqarly bolamyz dep úmittenemiz, - dep túsindirdi DDSU ókili.