Qujatta koronavırýsty emdeıtin dárigerlerge qosymsha aqy belgileý qarastyrylǵan
Qazaqstanda «Azamattyq qyzmetshilerge, memlekettik búdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» úkimet qaýlysyna túzetýler jobasy ázirlendi. Qujatta koronavırýsty emdeıtin aýrýhanalarynda jumys isteıtin dárigerlerge qosymsha aqy belgileý qarastyrylǵan. Qaýly jobasy «Ashyq NQA» saıtynda jarıalanǵan, dep habarlaıdy Almaty-akshamy.kz ulysmedia.kz-ke silteme jasap.
Qujatqa sáıkes, koronavırýsty emdeıtin aýrýhanalarynda jumys isteıtin dárigerler juqtyrý qaýpiniń dárejesine qaraı qosymsha tólemder alady.
Joǵary táýekel:
COVID-19 koronavırýstyq ınfeksıasy bar pasıentterge medısınalyq kómek kórsetý úshin anyqtalǵan reanımasıa bólimsheleri (tósek) men basqa da stasıonarlardy qosa alǵanda, ınfeksıalyq stasıonarlardyń dárigerleri, orta jáne kishi medısınalyq personal, ınfeksıa juqtyrǵan pasıenttermen jáne (nemese) bıologıalyq materıaldarmen tikeleı baılanysy bar klınıkalyq bólimsheler men paraklınıkalyq qurylymdardyń qyzmetkerlerin qosa alǵanda.
Ortasha táýekel:
zerthanalardyń (synama alýdy qabyldaý boıynsha bólimderdiń) qyzmetkerleri:
sanıtarıalyq-epıdemıologıalyq mamany, dárigeri, zerthana mamany, synama alý mamany, zerthanashy.
Tómengi táýekel:
COVID-19 koronavırýstyq ınfeksıasy bar pasıentterge medısınalyq kómek kórsetý úshin anyqtalǵan reanımasıa bólimsheleri (tósek) men basqa da stasıonarlardy qosa alǵanda, provızorlyq stasıonarlardyń, provızorlyq bólimshelerdiń dárigerleri, orta jáne kishi medısınalyq personaly, ınfeksıa juqtyrǵan pasıenttermen jáne (nemese) bıologıalyq materıaldarmen tikeleı baılanysy bar klınıkalyq bólimsheler men paraklınıkalyq qurylymdardyń qyzmetkerlerin qosa alǵanda.