Almaty – Óskemen tas jolynyń 135-shi shaqyrymda júk kóliginiń tirkemesi órtendi
30 qazanda túnde Arqarly asýynyń mańyndaǵy tas jolda júk kóliginiń tirkemesi otqa orandy, dep habarlaıdy Almaty-akshamy.kz Zakon.kz-ke silteme jasap.
Saǵat 22:17-de Almaty oblysynyń Tótenshe jaǵdaılar departamentine Almaty – Óskemen tas jolynyń 135-shi shaqyrymda júk kóliginiń tirkemesi órtenip jatqany týraly habarlama kelip tústi. Almaty oblysy Tótenshe jaǵdaılar departamentiniń jeke quramy órtti saǵat 23:07-de oqshaýlap, 23.30-da tolyqtaı sóndirdi. Zardap shekkender men qurbandar joq, - delingen TJD habarlamasynda.
Órttiń aldyn ala sebebi tasymaldanýshy júktiń (akýmýlátor batareıasy) ózdiginen tutanýy bolýy múmkin.