On kún aýyrǵan adam, on jylǵa qartaıady
Koronavırýs adam aǵzasyn jyldam qartaıýǵa ákeledi. On kún aýyrǵan adam on jylǵa qartaıady. Bul týraly Lomonosov atyndaǵy MMÝ-diń jetekshi ǵylymı mamany, molekýlárly bıolog Maksım Skýlachev Sputnik radıosyna bergen suhbatynda aıtty, dep habarlaıdy Almaty-akshamy.kz.
«Eger siz vaksına almaǵan bolsańyz jáne koronavırýspen aýyrǵan jaǵdaıda, onda aldaǵy on jylda sizdiń densaýlyǵyńyzda bolatyn ózgerister men syrqattardy on kúnniń ishinde sezinesiz. Bul jyldam qartaıýǵa uqsaıdy,-deıdi Maksım Skýlachev.
Sarapshynyń aıtýynsha, dál osy faktor egde jastaǵy adamdar arasynda koronavırýstan ólim-jitim deńgeıiniń joǵary bolýyna sebepshi: olardyń kópshiligine aldaǵy on jylda ómir súrý jazylmaǵan.
Sondaı-aq molekýlárly bıolog koronavırýsqa baılanysty joǵalǵan jyldardy dárigerler qaıtara alatynyn málimdedi.
«COVID-19 adamdardyń qartaıýyn jyldamdatqanymen, ony keri qaıtarýǵa bolady. Máselen, koronavırýstan keıingi sındrom qarttyqtyń kenetten bastalýyna uqsas, biraq adamdar odan emdelip ketýi múmkin. Qazir naqty aıtý erterek, degenmen siz odan jazylyp shyqsańyz erte qartaıýdy baýlatýǵa bolady»,-deıdi bıolog.
Dárigerdiń aıtýynsha, vaksına alǵan adamdar jyldam qartaıýǵa beıim emes, óıtkeni mundaı naýqastarda aýrý jeńil túrde ótedi.
14 jeltoqsanda Federaldy medısınalyq-bıologıalyq agenttiginiń jetekshisi Veronıka Skvorsova Reseı ǵylym akademıasynyń jalpy jıynynda koronavırýs adam aǵzasynyń qartaıýǵa tán qaıta qurylymdalýyn jedeldetetinin málimdegen edi.
Qazir álemniń ózge elderindegideı Qazaqstanda da koronavırýsqa qarsy vaksına halyqqa tegin salynyp jatyr.