Búgin áıelder mogýlynan «qola» medal alǵan Iýlıa Galysheva jarys jolyna shyǵady
Jeksenbi, 6 aqpanda Beıjińdegi Qysqy olımpıada oıyndarynda jeti júlde jıyntyǵy oınatylady, dep habarlaıdy Almaty-akshamy.kz QazAqparatqa silteme jasap.
Snoýbord (áıelder arasyndaǵy sloýpstaıl), kónkımen júgirý sporty (5000 m, erler), shańǵy jarysy (skıatlon, 30 km, erler), frıstaıl (mogýl, áıelder), shana sporty (bir oryndyq shana, erler) jáne shańǵymen tramplınnen sekirý (qarapaıym tramplın, erler) sıaqty sport túrlerinen aqtyq syn ótedi.
Qazaqstan jankúıerleriniń basty úmiti – 2018 jylǵy Phenchhandaǵy Olımpıada oıyndarynan áıelder mogýlynan «qola» medal alǵan Iýlıa Galysheva.
3 aqpanda Iýlıa Galysheva Beıjińdegi Olımpıada-2022 birinshi irikteýinde mogýldan jarysqa shyqpady, al Anastasıa Gorodko qashyqtyqqa deıin jete almady.
Búgin keshke qazaqstandyq frıstaılıster Olesá Graýr, Aıaýlym Amrenova, Iýlıa Galysheva jáne Anastasıa Gorodko mogýl jarysynan aqtyq synǵa shyǵý úshin baq synaıdy.
Qazaqstandyq shańǵyshylar Vıtalıa Pýhkalo men Evgenıa Velıchko Chjanszákoýdaǵy ulttyq stadıonda alǵashqy jarysqa qatysady. Munda erler skıatlonynyń kóshbasshylary - norvegıalyq jáne reseılik atletter.
Taý shańǵyshylary Iansınde jyldamdyqqa syrǵanaıdy. Sporttyń bul túrine Qazaqstan komandasynyń atletteri usynylmaǵan.
Jeksenbi kúni qazaqstandyq «ushatyn shańǵyshylar» Sergeı Tkachenko men Danıl Vasılev shańǵymen tramplınnen sekirýden Olımpıada fınalyna shyǵý úshin kúresedi.