Almaty qalasy Medeý aýdany ákimdiginiń ǵımaratynda kópbalaly jáne jalǵyzbasty analarǵa sertıfıkat tabystaldy. Bul sertıfıkat boıynsha úlken otbasynyń búldirshinderi balabaqshaǵa tegin bara alady.
Igi is-shara Naýryz merekesiniń «Qaıyrymdylyq» kúnine oraı ótkizildi. Sertıfıkattardy tabystaý rásimine Medeý aýdany ákiminiń orynbasary Aıdos Nurlybaev, Medeý aýdandyq prokýratýrasynyń prokýrory Eljas Bozbaev, jekemenshik balabaqshalardyń ókilderi men ata-analar qatysty.
- Memleket basshysy Qasym-Jomart Toqaevtyń tapsyrmasy boıynsha Naýryz meıramy jańa formatta toılanatyn boldy. Osy onkúndiktiń búgingi «Qaıyrymdylyq kúnine» oraı biz aýdandyq ákimdik ótinish bergen 15 kópbalaly jáne jalǵyzbasty anaǵa sertıfıkat tabystadyq.
Bul aksıaǵa kómektesken kásipkerlerge alǵys aıtamyn. Jumyla kótergen júk jeńil deıdi. 1 jyl bolsyn tegin balabaqshaǵa barý ata-analarǵa úlken kómek bolady dep úmittenemin, – dedi Medeý aýdany ákiminiń orynbasary Aıdos Nurlybaev.
