Jeti balaǵa - 85 myń teńgeden artyq qarajat beriledi
Búginnen bastap elde áleýmettik tólemderge qatysty birqatar ózgeris kúshine endi, dep habarlaıdy Almaty-akshamy.kz «Habar 24» telearnasyna silteme jasap.
Bul turǵyndardyń ál-aýqatyn arttyrý jáne, ómir súrý sapasyn jaqsartý maqsatynda Prezıdenttiń bastamasymen qolǵa alynǵan shara. Soǵan sáıkes, bıyldan bastap kópbalaly otbasylarǵa beriletin járdemaqy ulǵaıdy.
Bul kámeletke tolmaǵan, orta jáne joǵary bilim alatyn, tórteýden kóp bala ósirip otyrǵan, analarǵa arnalǵan tólem. Mysaly tórt balaly otbasyna – 50 myń teńgege jýyq, bes balaǵa, 60 myń teńgeniń ústinde, alty balaǵa, 70 myńnan joǵary, jeti balaǵa - 85 myń teńgeden artyq qarajat beriledi. Al segiz baladan bastap bul soma ár balaǵa 12 myń 252 teńgege artyp otyrady.