Zań jobasynda prezıdenttikke eki merzimnen artyq saılanýǵa jol bermeý kózdelgen
"Qazaqstan Respýblıkasyna ózgeristen men tolyqtyrýlar engizý týraly" zańnyń mátini memlekettik BAQ-ta jarıalandy, dep habarlaıdy Almaty-akshamy.kz.
Ózgerister aıasynda jer men onyń baılyǵyn halyqtyń menshigi etip jarıalaý kózdelgen. Alaıda halyqtyń atynan jerge memleket ıelik etedi.
Zań jobasynda ólim jazasyna tyıym salý kózdelgen.
Sonymen qatar Konstıtýsıalyq, Joǵary jáne de ózge sýdıalarǵa Ortalyq saılaý komısıasynyń múshesi jáne tóraǵasy bolýǵa tyıym salynady. Áskerı qyzmetkerler, ulttyq qaýipsizdik qyzmetindegiler, quqyq qorǵaý organynda qyzmet etetinderge saıası partıalarǵa kirýge, kásibı odaqtarǵa tirkelýge, saıası partıanyń úgit-nasıhat jumysyna qatysýǵa tyıym salynady.
Sonymen qatar zań jobasynda prezıdenttikke eki merzimnen artyq saılanýǵa jol bermeý kózdelgen.
Zańnyń 34-babynda Qazaqstan Respýblıkasynyń prezıdentine depýtat bolýǵa, quqyq qorǵaý organdarynda jumys isteýge, ózge de aqyly qyzmetterdi ıelenýge, kásipkerlikpen aınalysýǵa, partıaǵa tirkeýlge tyıym salynady. Sonymen qatar prezıdenttiń jaqyn týystaryna saıası memlekettik qyzmette laýazymdy ıelenýge, kvazımemlekettik sektor sýbektilerinde basqarýshy qyzmetin atqarýǵa da tyıym salynady.
Sondaı-aq 91- baptan Qazaqstan Respýblıkasynyń negizin qalaýshy, tuńǵysh prezıdent - Elbasy men onyń statýsyn alyp tastaý da qarastyrylǵan.