Soltústik Kıvý provınsıasyndaǵy Goma qalasynyń mektebinde BUU bitimgerleri podpolkovnık Altynbek Jalmuhanov pen maıor Batyr Tuıaqov mádenı-bilim berý is-sharasyn ótkizdi.
Sabaq barysynda áskerı qyzmetshiler qaqtyǵystardyń aldyn alýdaǵy halyqaralyq kúsh-jigerdiń mańyzdylyǵyn atap ótti. Kongodaǵy BUU bitimgerleriniń mindetteri, olardyń beıbitshilik pen qaýipsizdikti saqtaýdaǵy róli týraly aıtty, dep habarlaıdy aqshamnews.kz Qorǵanys mınıstrligine silteme jasap.
Bitimgerler balalarǵa Qazaqstan jáne onyń mádenı dástúrleri týraly aıtyp, aǵylshyn tili sabaqtary men komandalyq rýhty damytýǵa baǵyttalǵan oıyndar ótkizdi.
– Bizdiń el BUU bitimgerlik mısıalaryna belsendi qatysyp jatqanyn maqtan tutamyz. Balalar Qazaqstanǵa qyzyǵýshylyq tanytyp, tarıhymyz ben mádenıetimiz týraly bildi. Mundaı is-sharalar halyqtar arasyndaǵy dostyqty nyǵaıtýǵa yqpal etedi, – dep atap ótti maıor Batyr Tuıaqov.
Jergilikti turǵyndar uıymdastyrýshylarǵa alǵystaryn bildirdi. İs-shara elder arasyndaǵy mádenıetaralyq baılanystar men ózara túsinistikti nyǵaıtýdaǵy mańyzdy qadam boldy.