Nú-Iorkte 1959 jylǵy Chevrolet Impala týraly habarlandyrý (Craigslist) jarıalandy. Iesi otyz myń dollarǵa baǵalaǵan kabrıolettiń tek tat basqan qańqasy qalǵan deýge bolady.
Anadan qandaı qosalqy bólshek tabýǵa bolatynyn bilmeımiz. AQSH-ta mundaı aqshaǵa jaqsy jabdyqtalǵan Toyota Camry satyp alýǵa bolady,– dep habarlaıdy almaty-akshamy.kz Kolesa.kz-ke silteme jasap.
Bul model Bel Air-den bólinip ketken kezde shyqqan alǵashqy nusqa sıaqty. Sýretten kóliktiń tıisti kútimsiz, dalada turǵanyn baıqaısyz. Kabrıolettiń artqy dóńgelekteri men túbi joq, salondy tek elestetýge bolady, al aman qalǵan shanaq panelderi shirip ketken. Qozǵaltqysh jaıynda habarlandyrýda aıtylmaǵan, sýreti de joq. Qoraby ornynda bolǵanymen Impala motormen baıaǵyda qosh aıtysqan bolý kerek. Kóliktiń ıesi máshıneniń tat basqan bólshekterin qosa beredi. Kolleksıonerler 1950 jylǵy «Impalaǵa» shynymen qyzyǵady. Sarapshylardyń pikirinshe, jaqsy saqtalǵanynyń quny júz myń dollardan asady. Iesi metal koleksıasyn donor retinde satqysy keletin sıaqty. Kabrıolettiń qujaty túgel, al qańqasynda zaýyttyq derekter jazylǵan taqta bar kórinedi.