Qazaqstan Respýblıkasynyń kólik vıse-mınıstri Maqsat Kalıakparov Túrki memleketteri uıymyna múshe elderdiń kólik mınıstrleriniń jetinshi otyrysyna qatysty.
Mınıstrdiń orynbasary Zangelan qalasynda«Halyqaralyq kólik-logıstıkalyq dáliz: Zangelannan damý serpini» taqyrybynda uıymdastyrylǵan halyqaralyq konferensıaǵa da qatysty, dep habarlaıdy Almaty-akshamy.kz Kólik mınıstrligine silteme jasap.
Qatysýshylar búgingi tańda halyqaralyq yntymaqtastyq baǵytynda kólik-logıstıka salasynyń mańyzy artyp kele jatqanyna erekshe nazar aýdardy. Sonymen qatar kólik salasyna jaýapty mamandar Túrki memleketteri uıymysheńberinde kólik yntymaqtastyǵyn odan ári damytýǵa baǵyttalǵan sheshimderdi iske asyrýǵa múddeli ekenderin aıtyp jetkizdi.
Alqaly jıyn barysynda komúnıkege qol qoıylǵanyn erekshe atap ótken jón. Atalǵan qujat avtomobıl, temirjol, sý kóligi, sonymen birgedálizderdi sıfrlandyrý, baqylaý qujattaryn elektrondyq formatqa ótkizý sıaqty máselerdi qamtıdy. Mańyzdy qujatqa Túrkıa, Ázerbaıjan, Ózbekstan, Qyrǵyzstan memleketteriniń kóliksalasyna jaýapty mınıstrleri men Túrki memleketteri uıymynyń bas hatshysy qol qoıdy.
Sondaı-aq qazaqstandyq delegasıa konferensıa aıasynda Baký qalasynda ótetin birqatar sesıa men kezdesýlerge qatysady dep josparlanyp otyr. Osy rette Túrki memleketteri uıymyna múshe elderdiń kólik mınıstrleriniń kelesi otyrysyn 2024 jyly Qazaqstanda ótkizý kózdelip otyrǵanyn aıta ketken oryndy.