Qazaqstanda kondomınıýmdar ishindegi tártipti ornatýǵa jáne jergilikti atqarýshy organdardyń baqylaýyn kúsheıtýge baǵyttalǵan Turǵyn úı qatynastary týraly Zańǵa mańyzdy ózgerister engizildi.
Bul nege mańyzdy?
-
Keıingi 5 jyldaǵy reforma júrgizilgenine qaramastan, MIB/TBB nysandaryndaǵy múlik ıeleri men basqarýshy jáne servıs sýbektileri arasyndaǵy qyzmet kórsetý týraly aqparattyń jabyqtyǵy áli de saqtalyp otyr. Bul nysandar kóppáterli turǵyn úı ishindegi qyzmetterdi kórsetý úshin shaǵyn bıznesti tartýda.
-
Memlekettik organdarǵa kelip túsip jatqan suraqtar men shaǵymdarǵa súıene otyryp, jumys tobynyń músheleri de menshik ıelerine aı saıynǵy jáne jyldyq esepterdi ýaqtyly bermeý derekteriniń jıi kezdesetinin atap ótti.
-
Jaǵdaıdy kúrdelendirip turǵan taǵy bir másele – úılerdi MIB-ke nemese basqarýshy kompanıalarǵa berý kezinde erejelerdiń saqtalmaýy jáne júıeli túrde buzylýy bolyp tabylady. Nátıjesinde obektilerdiń tehnıkalyq paıdalanylýy men kútimi boıynsha sabaqtastyq joǵalyp, basqarý men qarjy qujattamalary saqtalmaıdy. MIB tóraǵasynyń nemese basqarýshy kompanıanyń aýysýyna baılanysty úı berilmegen jaǵdaıda, menshik ıeleri bastapqy býhgalterlik qujattarǵa, býhgalterıa júrgizý baǵdarlamalaryna jáne ekinshi deńgeıdegi bankterdegi qarjylyq qozǵalys boıynsha shot kóshirmelerine qol jetkize almaıdy.
Endi jańa ózgeristerge sáıkes barlyq zańdy tulǵalar (MIB, PIK, JSHS, basqarýshylar) úshin mindetti túrde:
• ár úı boıynsha bólek esep júrgizý – aǵymdaǵy jáne jınaq shottaryn jeke ashý;
• qarjylyq tártipti saqtaý;
• Zańda aı saıynǵy tarıfterdi bekitý jáne ár úı boıynsha TKSH aqparattandyrý obektilerine málimetterdi berý kezinde jyldyq shyǵyndar smetasyn jınalyspen bekitýdiń mindettiligine úlken nazar aýdarylǵan;
• ýákiletti organdar men ákimdikterge baqylaý tetikteri kúsheıtildi: kóppáterli turǵyn úılerdiń tizilimderin júrgizý, kondomınıým obektileriniń tirkelýin jáne jer ýchaskeleriniń obektige qosylýyn, jınaq jáne aǵymdaǵy shottardyń ashylýyn jáne bankterde ashý qaǵıdalaryna sáıkestigin, sondaı-aq kúrdeli jóndeý maqsattaryna jınaqtardy alý tártibiniń saqtalýyn mindetteý engizildi;
• Zań kondomınıým obektileriniń tehnıkalyq jaı-kúıin baqylaý, jyl saıynǵy tekserý aktileriniń jáne ár obekt boıynsha ınventarlyq tizimniń bolýyna erekshe kóńil bóldi. Bul derekter bolashaqta birtutas júıede jınaqtalyp, kúrdeli jóndeý jumystarynyń ýaqtyly júrgizilýin jáne ortaq múlik quramy boıynsha esep júrgizýdiń ashyqtyǵyn qamtamasyz etedi.
Obektiler týraly tolyq aqparattyń qalyptastyrylýy, ony ýákiletti organdar men basqarý jáne kútip-ustaý úshin jaýapty tulǵalardyń ózektendirýi – halyqty artyq tólemderden qorǵaıdy, ortaq múlikke baqylaý ornatady jáne ǵımaratty paıdalaný kezeńinde jumystardyń ýaqtyly oryndalýyn qamtamasyz etedi.