Jalaqy "Tarıfti ınvestısıaǵa aıyrbastaý" baǵdarlamasy negizinde kóteriledi.
Bul týraly Ulttyq ekonomıka mınıstri Álibek Qýantyrov aıtty, dep habarlaıdy Almaty-akshamy.kz.
Astanatv.kz aqparatynsha, Ulttyq ekonomıka mınıstri Álibek Qýantyrov úkimet otyrysyndaǵy baıandamasynda qazaqstandyqtardy sý, jylý, elektr energıasymen qamtamasyz etý turǵyn-úı komýnaldyq jaǵdaıdyń jaı-kúıin tolyǵymen jańartý kerektigin atap ótti.
"Osylaısha, ortasha jalaqy sala men óńirge baılanysty 135 myń teńgeden 200-300 myń teńgege deıin ósedi. Bul turǵyn úı-kommýnaldyq sharýashylyq salasyndaǵy 200 myńǵa jýyq jumysshyǵa áser etedi", - dedi Qýantyrov úkimet otyrysynda.
Onyń aıtýynsha, komýnaldyq kásiporyndar qyzmetiniń tıimdiligin arttyrý úshin "Tabıǵı monopolıalar týraly" zańnyń 22-babyna ózgerister engizilip, komýnaldyq sala qyzmetkerleriniń, ıaǵnı santehnık, elektrık, dánekerýshilerdiń jalaqysyn 50 paıyzdan 100 paıyzǵa deıin kóterý josparlanǵan.
"2023-2029 jyldarǵa 62 myń km ınjenerlik jelilerdi jańǵyrtý úshin shamamen 3 trln teńge ınvestısıa tartý kózdelip otyr. 2029 jyldarǵa qaraı jelilerdiń tozýyn 20 paıyzǵa tómendetýge múmkindik beredi", - dedi mınıstr.