Densaýlyq saqtaý mınıstri Ajar Ǵınıat úkimet otyrysynyń kýlýarynda Almatydaǵy AITV juqtyrý jaǵdaıy týraly aıtty.
Ajar Ǵınıat komısıa kelesi aptada Almatyda emhanadaǵy AITV juqtyrý faktisi boıynsha jumysyn aıaqtaıtynyn aıtty, dep habarlaıdy Almaty-akshamy.kz Zakon.kz-ke silteme jasap.
«Biz bárin anyqtaımyz. Qazir olar jumys istep jatyr. Aldyn ala qorytyndy bul, bilesizder, óte mańyzdy másele. Sondyqtan komısıa jumysty aıaqtap, tolyq anyqtama daıyndap, tıisti qujatty beredi. Qorytyndy ákimdik pen Densaýlyq saqtaý mınıstrligine resmı túrde tapsyrylady», - dedi mınıstr.
Ajar Ǵınıat AITV juqtyrǵan naýqastarmen kezdespegenin aıtty.
«Komısıa (tergeý) júrgizilip jatyr. Elde dárigerlik qupıa týraly zań bar. Ondaı naýqastarmen kezdeskisi keletin adamdardyń bári kezdesý quqyǵyna ıe emes. Zań ondaı naýqastardy qorǵaıdy, sondyqtan qazir barlyǵy tıisti sharalar aıasynda júrgizilip jatyr. Ony bilýge quqyǵym joq. Medısınalyq qupıa bar. Kezdesý tek naýqastardyń kelisimimen bolady. Olardyń kezdeskisi joq», - dep túsindirdi Ajar Ǵınıat.
14 maýsymda Almatynyń Ortalyq qalalyq klınıkalyq aýrýhanasynda AITV ınfeksıasynyń úsh jaǵdaıy anyqtaldy.