Járdemdese bilý de - óner
"Jaqsylyq álemdi qutqarady" dep jatady. Igi is jasaý árkimniń qolynan keledi. Sonyń ishinde qasyńdaǵy áriptesińe, dosyńa, tanysyńa, qala berdi tanymaıtyn janǵa járdemdesý kisiliktiń shyńy sanalady. Bul adamzat balasy jaralǵannan bastap kele jatqan jaqsylyq. Mundaı jaqsy isterdiń úlken-kishisi bolmaıdy.
Igi is. Amerkalyq jazýshy Stıven Kıng «Neshe túrli sıqyrlardyń bolýy múmkin. Biraq ózine kómektesken adamǵa ǵana Qudaı kómektesetinin eshqashan esten shyǵarmańyz» depti. Qalamger ártúrli fantasıkalyq janrǵa qalam terbese de, ómir shyndyǵyn dóp basyp jetkizip tur. Ózimizge qol ushyn berip, kerek kezde járdemdesip jiberse, sondaı jadyraımyz. Solaı etetin jandar ómirde kóp dep bilemiz. Ondaı adamdarǵa myń raqmet!
Qazaqta «adam kúni – adammen» dep aıtady. Osy sózdiń qudiretiniń kún saıyn artyp jatqanyn kózimiz shalyp júr. Fılosoftar barlyq keleńsizdikterdi zamanǵa emes, ózinen izdep túzetkendi jón kóredi. Bálkim, ol úshin eń áýeli árbir adam ózin jaqsylyqqa baǵyttaǵany abzalyraq bolar.
Túıin. Ne kerek jatqan baılyq sýdaı tasyp,
Turmasań qalyń jurtqa qaraılasyp, - depti ózbek aqyny Álisher Naýaı. Ǵulama eki shýmaq óleń jolymen ǵajaıyp oıdy túıindep tur. Jaqsylyq jasaý adam janyn árqashan jadyratary sózsiz.