Boks keshi 15 qańtarda ótpeıtin boldy
Andrade men Álimhanuly arasyndaǵy jekpe-jektiń promoýterlik saýdasy keıinge shegerildi, dep habarlaıdy Almaty-akshamy.kz Rrosports.kz-ke silteme jasap
Boxingscene.com saıtynyń habarlaýynsha, orta salmaqtaǵy WBO chempıony amerıkalyq Demetrıýs Andrade (31-0, 19 KO) men mindetti qarsylasy qazaqstandyq Jánibek Álimhanuly (11-0, 7 KO) arasyndaǵy jekpe-jekke promoýterlik saýda keıinge shegerildi.
Kezdesýge arnalǵan aýksıon Búkilálemdik boks uıymynyń bas ofısinde 14 qańtarda ótedi dep josparlanǵan, biraq eki taraptyń ótinishi boıynsha is-shara 20 qańtarǵa aýystyryldy.
Eske sala keteıik, Álimhanuly Andradege mindetti qarsylas retinde 30 qarashada bekitildi. Oǵan deıin eki boksshy da nokaýtpen jeńiske jetken bolatyn.
Atap aıtqanda, Andrade ırlandıalyq Djeıson Kýıglıdi ekinshi raýndta nokaýtqa túsirdi. Al Jánibek Álimhanuly 2021 jyly eki jekpe-jek ótkizdi.
Maýsym aıynda amerıkalyq boksshy Rob Brýntty (26-3, 18 KO) segizinshi raýndta jeńse, qarashada fransýz Hassan Ndam Njıkammen (38-6, 21 KO) judyryqtasyp, ony da segizinshi raýndta nokaýtqa jiberdi.