«Kólsaı kólderi» ulttyq saıabaǵynda sırek kezdesetin qar barysy beınetuzaqqa túsip qaldy, dep habarlaıdy Almaty-akshamy.kz Egemen.kz-ke silteme jasap.
Saıabaq ákimshiliginiń aqparaty boıynsha, onyń aýmaǵynda tek 16 qar barysy bar. Janýarlar sany turaqty.
«Qar barysynyń urǵashysy jáne onyń bir jasar alany «Kólsaı kólderi» ulttyq tabıǵı parkiniń beınetuzaǵyna ilindi. «Qyzyl kitapqa» engen janýar buǵan deıin de fotoqaqpanǵa birneshe ret túsken bolatyn», - delingen Orman sharýashylyǵy jáne janýarlar dúnıesi komıtetiniń habarlamasynda.
Qar barysy (Uncia uncia Schreber, 1775) Qazaqstannyń Qyzyl kitabyna engizilgen. Bizdiń elde 120-130 basy bar, álemde onyń sany jeti myńnan aspaıdy. Jyrtqyshtyń sanyn esepke alý men baqylaýdyń zamanaýı ádisteriniń biri - fotoqaqpan qoldaný. Qazaqstan ulttyq parkterinde 150-den asa fotoqaqpan qurylǵan.