Almaty qalasy boıynsha Qylmystyq-atqarý júıesi departamentine qarasty №11 mekemede Prezıdent tapsyrmasy boıynsha bekitilgen Adam quqyqtary jáne zań ústemdigi salasyndaǵy is-qımyl josparyna saı sottalǵandardy kásiptik daıarlaý kýrstaryn ózektendirý kózdelgen.
Jýyrda «Jańa álem grýpp» JSHS-niń ókilderi mekemedegi jazasyn ótep jatqan jasóspirimderge dánekerleý boıynsha qysqa merzimdi oqytý kýrsyn ótkizdi. Onda osy kásiptiń qyr-syry úıretildi. Teorıalyq jáne praktıkalyq negizde ótken kýrs nátıjesinde 15 balaǵa osy mamandyqty ıgergeni týraly memlekettik úlgidegi kýálik berildi.
– Sottalǵan balalar jazasyn ótep shyqqan soń, osy sertıfıkatpen jumysqa ornalasyp, tabys taýyp, ómirin jańa arnaǵa bura alady. Memleket basshysy jarıalaǵan «Jumysshy mamandyqtar jyly» osy salanyń bedelin arttyryp, tehnıkalyq jáne kásiptik bilim berý júıesine jańa lep ákeletini sózsiz. Bizdiń basty mindetimiz – sottalǵan balalardyń osy múmkindikti tıimdi paıdalanýyna dáneker bolý, – deıdi №11 mekeme basshysy ádilet polkovnıgi A.Súleımenov