Shildede Astanada ótetin úlken festıválde eń úzdik qymyz óndirýshilerge jalpy qory 45 mıllıon teńge júlde beriledi, dep habarlaıdy Kazinform.
"19-20 shildede Astanda Baıqymyz festıvali ótedi. Oǵan Qazaqstannyń barlyq óńirindegi fermerlerdi shaqyramyz. Qazaq asqanasy et, baýyrsaq, qýyrdaqpen shektelmeıdi. Basqa da alýan túrli taǵamdardy kórsetemiz, keptirý, qaqtaý, ystaý joldaryn úıretemiz. Eń úzdik qymyz óndirýshilerge jalpy qory 45 mıllıon teńge júlde beremiz. Osylaısha ulttyq sýsyn óndiretin kásipkerlerdi qoldaǵymyz keledi. Qazir biz etno jáne gastrotýrızmdi damytyp jatyrmyz. Qymyz ishý úshin Fransıadan, Italıadan, Aýstralıadan týrıser kelgenin qalaımyz. Óıtkeni qymyz — halqymyzdyń qýatty sýsyny. Biz qymyzdy jańa deńgeıge kótergimiz keledi. "Qymyz ishse, ish aýyrtady" degen stereotıpterdi joıǵymyz keledi. Sapaly qymyz eshqashan asqazandy aýyrtpaıdy, kerisinshe densaýlyqqa paıdaly bolady", − dedi tanymal etnograf, BaiQymyz festıvaliniń uıymdastyrýshysy Áıgerim Musaǵajınova.
Jobanyń basty maqsaty — otandyq qymyz óndirýshilerine qoldaý kórsetý, qazaqtyń dástúrli sýsynyn qazirgi adamdardyń dastarhanyna qaıta oraltý jáne onyń paıdaly qasıetteri týraly keń aýdıtorıaǵa jetkizý.