Qarjy naryǵyn retteý jáne damytý agenttigi bank, kolektor jáne mıkroqarjy uıymdarynyń bereshegi bar qazaqstandyqtarǵa habarlasýy jáne qońyraý shalýy tártibin retteýdi josparlap otyr, dep habarlaıdy aqshamnews.kz.
Jańa tártip jobasy Ashyq NQA portalynda halyqtyń jarıa talqylaýyna usynyldy.
Jańa erejeniń ereksheligi atalǵan uıymdar qazaqstandyqtarǵa jumys kúnderi tańǵy saǵat 8.00-den keshki saǵat 21.00-ge deıin táýligine úsh ret jáne demalys pen mereke kúnderi saǵat 9.00-den keshki saǵat 19.00-ge deıin táýligine eki ret habarlasa alady. Bul rette stasıonarly telefonmen de, ınternet kómegimen messendjerler arqyly habarlasýǵa da ruqsat etiledi.
Agenttiktiń jańa talaptardy engizýge yńǵaısyz ýaqytta jáne tym jıi shalynǵan qońyraý qazaqstandyqtardyń ashýyn týǵyzyp, shaǵymdar kóbeıgendigi yupal etken. Al qazirgi qoldanystaǵy talapta qońyraý shalý merzimi men jıiligi rettelmegen eken.
"Mıkroqarjy uıymdarynyń qaryzy bar qazaqstandyqtarǵa ony tóleý qajettigin eskertip demalys ne mereke kúnderi de habarlasýyna ruqsat berý kerek dep esepteımiz. Óıtkeni, keshiktirilgen qaryz úshin ósimpul demalys ne mereke kúni ekenine qaramastan, árbir keshiktirilgen kún úshin esepteledi", – delingen agenttiktiń habarlamasynda.