Úkimet otyrysynda oqý-aǵartý mınıstri Ǵanı Beısembaev Memleket basshysy jarıalaǵan Jumysshy mamandyqtary jyly sheńberinde TjKB júıesin damytý boıynsha aǵymdaǵy nátıjeler týraly baıandady, dep habarlaıdy aqshamnews.kz
Mınıstrliktiń málimetinshe, 2024-2025 oqý jylynda kolejderde 550 myńnan astam stýdent bilim alǵan. 173 myń stýdent oqýyn bitiredi, onyń ishinde jumys biliktiligi boıynsha 123 myń stýdent, dýaldy oqytý sheńberinde 27 myń stýdent bilim alyp shyǵady. Kásiporyndardyń maqsatty tapsyrysy boıynsha 10 myń stýdent bitirdi.
«Jyl saıyn kolej túlekterin jumysqa ornalastyrý kórsetkishi ósýde: 2024 jyly túlekterdiń 81%-y jumyspen qamtyldy. Jumysshy mamandyqtary jyly aıasynda jumysshy mamandyqtardyń bedelin arttyrýǵa jáne kolejderdiń bıznespen ózara is-qımylyna asa nazar aýdarylýda. Oqý jylynyń qorytyndysy boıynsha qamqorlyq kómek kórsetetin kásiporyndardyń sany 7 ese artty. Búgingi tańda 4 myńnan astam kásiporyn 662 kolejge, ótken jyldyń qorytyndysy boıynsha 412 kolejge 558 kásiporyn qamqorlyq kórsetýde», dep atap ótti Ǵanı Beısembaev.
Onyń aıtýynsha, «pedagog-kásibı baǵdarlaýshy» laýazymy alǵash ret resmı túrde bekitildi. 905 joǵary synyp oqýshysy jalpy bilim týraly atestatpen qatar, jumysshy biliktiligi boıynsha dıplom aldy. 2,5 mln mektep oqýshysy kásibı baǵdarlaýshy sharalarymen qamtyldy.
104 kolejdiń materıaldyq-tehnıkalyq bazasy jańartyldy. Stýdentterdiń turmys jaǵdaıyn jaqsartý úshin 2 myń orynǵa arnalǵan 8 jataqhana paıdalanýǵa berildi. Bıznes ókilderi 8 myńnan astam bilim berý baǵdarlamalaryn ázirleýge qatysty.