Úkimet otyrysynda oqý-aǵartý mınıstri Ǵanı Beısembaev oqý jylynyń aıaqtalýy jáne osyǵan baılanysty elimiz boıynsha josparlanǵan is-sharalar týraly baıandady, dep habarlaıdy aqshamnews.kz
«Bıylǵy oqý jylyn 3,9 mln oqýshy aıaqtaǵaly otyr. Onyń ishinde bastaýysh synypty – 391 myń, negizgi mektepti – 364 myń bala bitiredi. Mektep bitirýshiler sany – 217 myń. “Altyn belgige” úmitkerler sany aldyńǵy jyldardaǵydaı 5%-dan aspaıdy», dedi mınıstr.
Onyń aıtýynsha, oqý jylyn «Bilim – Otanym» biryńǵaı synyp saǵattaryn ótkizýmen aıaqtaý josparlanyp otyr.
Sonymen qatar pedagogıkalyq keńestiń sheshimi boıynsha mektep túlekterine arnalǵan «Mektebim, saǵan myń alǵys!» 23 nemese 24 mamyrǵa josparlanǵan.
Atestattardy tapsyrý saltanatty rásimi 18-20 maýsymǵa belgilendi.
Oqý-aǵartý mınıstrliginiń málimetinshe, 9 jáne 11 synyp túlekteriniń qorytyndy emtıhandary 29 mamyrdan 16 maýsymǵa deıingi aralyqta ótkiziledi.