Iaǵnı stýdent kolejdi bitirgennen keıin tapsyrys berýshiniń kásipornyna jumysqa ornalasady.
QR Bilim jáne ǵylym mınıstrligi kásiporyndardyń suranysy boıynsha kadrlardy maqsatty oqytýdy engizip jatyr, dep habarlaıdy Almaty-akshamy.kz mınıstrliktiń baspasóz qyzmetine silteme jasap.
Mundaı memlekettik tapsyrystyń artyqshylyǵy bar. Iaǵnı stýdent kolejdi bitirgennen keıin tapsyrys berýshiniń kásipornyna jumysqa ornalasady. Bıyl kásiporyndardyń maqsatty tapsyrysy boıynsha 10 myńnan astam talapkerdi qamtý josparlanyp otyr.
«Mundaı yntymaqtastyq bilim berý baǵdarlamalaryn jańartýǵa jáne eńbek naryǵynyń suranysyna saı kadrlardy daıarlaýǵa múmkindik beredi. Iaǵnı belgili bir mamandarǵa ótinim berý arqyly kásiporyn óz óndirisine saı daıyndalǵan kadrlardy alýǵa múmkindigi bolady. Kásiporyn kolej-stýdent-kásiporyn úshjaqty kelisimshartyna otyrǵannan keıin oqýyn aıaqtaǵan stýdentti jumysqa ornalastyrýǵa mindetti bolatynyn aıta keteıin», - dep atap ótti QR BǴM Tehnıkalyq jáne kásiptik bilim departamentiniń dırektory Nasymjan Ospanova.
Aıta keteıik, mundaı yntymaqtastyq tek stýdentter úshin ǵana emes, sondaı-aq muǵalimder úshin de tıimdi. Óıtkeni kelisimshart jasalǵannan keıin pedagogter seriktes kásiporyn bazasynda taǵylymdamadan óte alady. Oqý nátıjesi boıynsha kásiporyn stýdentterden qorytyndy emtıhan qabyldaıdy.
Sonymen qatar erekshe bilim berýdi qajet etetin balalar úshin de nysanaly tapsyrys beriledi. Olarǵa mamandyqtar tizimi bólinip, túlekterdiń oqý múmkindikterine sáıkes jeke, beıimdeý baǵdarlamalary ázirlenedi.