Energetıka mınıstri Almasadam Sátqalıev Úkimet otyrysynda Qazaqstanda jumysshy mamandyqtarynyń 43 kásibı standarty ózektendirilgenin, jańa mamandyqtar men biliktilikter anyqtalǵanyn, kásiptik biliktilikter jónindegi salalyq keńesterdiń jumysy jandandyrylǵanyn habarlady.
Ol bıyl energetıka salasynda jańa mamandyqtar boıynsha 4 kásibı standart ázirlenetinin jáne 29 kásibı standart, onyń ishinde atom salasynda jańartylatynyn atap ótti.
Oqý-aǵartý mınıstrligimen birlesip, 61 joǵary oqý orny men 200-den astam kolejdi qamtıtyn kadrlar daıarlaý jumystary quryldy, onda OEK mamandaryn daıarlaý júrgizilýde.
Energetıka úshin kadr daıarlaýdy 40 joǵary oqý orny men 215 kolej júzege asyrady, onda elektr energetıkasy, jylý energetıkasy, jańartylatyn energıa salasyndaǵy 7 mamandyq boıynsha 19 myńǵa jýyq stýdent oqıdy.
Elektr generasıasynyń jańa nysandarynyń qurylysyn, tutynýdyń belsendi ósýin jáne ekonomıkanyń damýyn eskere otyryp, 2030 jylǵa deıin suranysqa ıe mamandyqtardyń tek energetıkaǵa degen qajettiligi 20 myńnan asady dep boljanýda.
AES qurylysyn qoldaý maqsatynda otandyq kolejder bazasynda AES úshin personal daıarlaý úshin mamandandyrylǵan mamandyqtar ashylatyn bolady.
«Elektrotehnıka kolejderimen tyǵyz yntymaqtastyqty Mınıstrliktiń vedimistik baǵynysty uıymdary – Ulttyq ıadrolyq ortalyq jáne Iadrolyq fızıka ınstıtýty júzege asyrady, olar kolej stýdentteriniń ıadrolyq mamandyqtar boıynsha óndiristik tájirıbe ótkizý bazasy bolyp sanalady», — dep naqtylady Almasadam Sátqalıev.