Biraq áli naqty sheshim qabyldanǵan joq.
İshki ister mınıstriniń orynbasary Marat Qojaevtyń aıtýynsha, Qazaqstanda kóliktiń aldyńǵy áınegine tonırovka japsyrýǵa ruqsat berilýi múmkin, dep habarlaıdy Almaty-akshamy.kz
«Iá, tonırovkaǵa ruqsat berý máselesi burynnan beri kóterilip keledi. Qazir İİM oǵan salynǵan tyıym tarıhyn zerttep jatyr. Máseleni depýtattar da kótergen», – deıdi ol.
Qojaev keden odaǵynyń reglamentinde tonırovka máselesi jazylǵanyn, oǵan shekteý júrgizýshi, jolaýshyny tanýǵa kedergi keltirgeni úshin qoıylǵanyn aıtady.
«Bul qanshalyqty múmkin? Álde qanshalyqty zıan? Zerttelý ústinde. Jaqyn arada biz sarapshylyq qorytyndymyzdy beremiz», – dedi ol.
Elimizde 2010 jyly avtokóliktiń aldyńǵy áınekterin boıap, tonırovka japsyrýǵa tyıym salynǵan. Qazir tonırovkany aldyńǵy áınekke zańsyz japsyryp alǵandar ákimshilik kodekstiń 461-baby 4-bóligi boıynsha jaýapkershilikke tartylady.