Qazaqstan İshki ister mınıstrligi kólik terezelerin tolyqtaı qarańǵylaýǵa qarsy,dep habarlaıdy aqshamnews.kz
İİM Erjan Sádenovtiń aıtýynsha, qoldanystaǵy erejelerde áınekterdi qarańǵylatýǵa baılanysty naqty talaptar bar.
"Biz buǵan túbegeıli qarsymyz. Qazir qoldanystaǵy normalarǵa sáıkes aldyńǵy áınekter qarańǵylanbaıdy, al artqy áınekterge zaýyttyq standarttar engizilgen. Meniń oıymsha, qaýipsizdik maqsatynda kóliktiń aldyńǵy da, artqy da áınekterin tolyq qarańǵylatýǵa jol berilmeýi kerek. Biz buǵan qarsymyz," – dedi mınıstr.
Buǵan deıin keıbir depýtattar kóliktiń aldyńǵy terezelerin aqyly túrde qarańǵylatýǵa ruqsat berýdi usynǵan edi. Alaıda İİM bul bastamany quptamaı otyr.