Almatynyń Indýstrıaldy aımaǵynda trotýar plıtalary men beton jıekterin shyǵaratyn zaýytqa aýqymdy jańǵyrtý júrgizildi. Investısıalardyń jalpy somasy 1,2 mlrd teńge boldy, onyń 25%-y ınvestor esebinen qarjylandyryldy ("SK Rahat" JSHS), al qalǵan 75%-y "Damý" qorynyń sýbsıdıalaý baǵdarlamasy aıasynda qaryz kapıtalymen qamtamasyz etildi. Bul týraly Almaty qalasynyń Kásipkerlik jáne ınvestısıalar basqarmasy habarlady.
Joba aıasynda álemdegi jetekshi óndirýshilerdiń zamanaýı jabdyqtary satyp alyndy; olar-usaq bólshekti beton buıymdardy shyǵarýǵa arnalǵan HESS Group (Germanıa) jelisi, ónimderdiń tózimdiligin arttyratyn ROTHO-Stabil (Germanıa) kamerasy, ónimdi tikeleı baılaıtyn VR-80 mashınasy jáne avtomatty oraıtyn RA100 (Italıa) mashınasy, sondaı-aq polımermen qaptalǵan tehnologıalyq poddondar (Polsha).
Aıta keteıik, alǵashqy Hess Maschinenbrik GmbH óndiristik jelisi 2023 jyldyń mamyrynda iske qosyldy. 2024 jyldyń sońyna qaraı zaýyt 153 myń sharshy metr trotýar plıtalaryn óndirdi, ortasha aılyq kólemi 9 myń sharshy metr, bul jobalyq qýattyń 36 paıyzy.
Júrgizilgen jańǵyrtý jumystarynan keıin bir aýysymmen jumys istegen jaǵdaıda ónim shyǵarý kólemi aıyna 25 myń sharshy metrge deıin ulǵaıady. Eki aýysymdyq rejımge kóshken jaǵdaıda, ónim kólemi tipten kóbeıedi. Óndiris prosesin tolyq avtomattandyrý ónimniń sapasyn jaqsartady, aýqymdy únemdeý arqyly ózindik qundy tómendetedi, shıkizatqa, materıaldarǵa jumsalatyn shyǵyndy azaıtyp, jumys kúshin ońtaılandyrady.
Kásiporynnyń jobalyq qýaty – jylyna 180 tekshe metr avtoklavty gazdy beton jáne 750 myń sharshy metr temir beton shyǵarýǵa jetedi. Barlyq ónimder qoldanystaǵy Memlekettik standartqa sáıkes shyǵarylady jáne negizinen jergilikti shıkizattan óndiriledi. Buryn zaýyttyń tolyq avtomattandyrylmaýy ónim shyǵarýǵa kedergi bolǵan. Iaǵnı, ónimdi ekspozısıalaý, jınaý jáne qoımada saqtaýdy qosa alǵanda, óndiristik operasıalardyń bir bóligi qolmen oryndalatyn. Endi barlyq prosester tolyǵymen avtomattandyryldy, bul kásiporynnyń ónim shyǵarý deńgeıi edáýir arttyrady.