QR kólik mınıstrliginiń aqparatynsha, kólikti jalǵan tehnıkalyq tekserýden ótkizýdiń saldary aqaýlary bar kólik quraldarynyń jol qozǵalysyna jiberilýine múmkindik berip, keıin bul jol-kólik oqıǵalaryna, onyń ishinde sońy ólimge ulasatyn oqys oqıǵalar deńgeıiniń ósýine ákep soǵady.
"Quqyq buzýshylyq ákimshilik jaza qoldanylǵannan keıin bir jyldyń ishinde qaıtalap jasalsa, tehnıkalyq tekserýden ótkizetin operator qyzmet kórsetý quqyǵynan 3 jylǵa deıingi merzimge aıyrylady",- dep jazylǵan QR Kólik mınıstrliginiń habarlamasynda.
Sondaı-aq atalǵan Zań jobasy sheńberinde avtokólikti tehnıkalyq tekserýden ótkizetin operatorlardyń qyzmetine qoıylatyn talaptardy kúsheıtý kózdelgen.
Joǵaryda atalǵan ózgertýler men tolyqtyrýlardy engizý avtokólik quraldaryn mindetti tehnıkalyq baıqaýdan ótkizý sapasyn jaqsartýǵa jáne josyqsyz tehnıkalyq qarap tekserý operatorlarynyń sanyn 2 esege qysqartýǵa múmkindik beredi dep kútilýde. Aıta keterligi, búgingi tańda naryqta 950-qa jýyq operator kólikti tehnıkalyq tekserýden ótkizý boıynsha qyzmet kórsetedi.