Qys túse júrgizýshiler qozǵaltqyshty durys jylytý máselesine tap bolady.
Avtosarapshy sýyqta kólikti jylytýdyń durys algorıtmin atap ótti, - dep habarlaıdy aqshamnews.kz
Qazirgi zamanǵy avtomobılder burynǵydaı uzaq qyzdyrýdy qajet etpeıtinin bári biledi. Óıtkeni jańa zamanǵy kólikter olardy tez jumys jaǵdaıyna keltiretin elektrondy júıelermen jabdyqtalǵan.
"Ornynda turǵan kólikti uzaq qyzdyrý otyn shyǵynyn arttyryp qana qoımaıdy, sonymen qatar janarmaıdyń tolyq janbaýyna baılanysty kúıeniń paıda bolýyna ákelýi múmkin", - deıdi avtosarapshy Iýrıı Reznev.
Sarapshy kólikti bir-eki mınýtqa ǵana qyzdyryp, birkelki qozǵalystan bastaýdy usynady jáne qozǵaltqyshqa kúsh túsirýden aýlaq bolýǵa shaqyrady. Bul qozǵaltqyshtyń jumys temperatýrasyna bappen jetýine jáne bólshekterge túsetin kúshti azaıtýǵa múmkindik beredi.
Durys algorıtmnen basqa, joǵary sapaly maıdy paıdalaný mańyzdy.
"Qazirgi zamanǵy motor maılary qatty aıazda da qozǵaltqysh bólshekterin jetkilikti deńgeıde maılaýdy qamtamasyz etedi, bul avtomobıldi uzaq qyzdyrmaı-aq iske qosýǵa múmkindik beredi. Bul maılar aıazǵa tózimdi ǵana emes, sonymen qatar joǵarǵy temperatýraǵa da tózimdi", - dedi sarapshy.