QR QM Memlekettik kirister komıtetiniń mamandary kólik salyǵyna qatysty ózekti suraqtardyń birine jaýap berdi, dep habarlaıdy Almaty-akshamy.kz.
"Avtokólikti óz atyma aýdaraıyn degenmin, burynǵy ıesi qaıtys bolǵan. Burynǵy ıesiniń kólik salyǵy boıynsha bereshekteri bar bolyp shyqty. Kólik salyǵy boıynsha qaryzy men ósimpuldy kim jáne qalaı tóleýi kerek?", – degen saýal joldanypty Komıtetke.
Memlekettik kirister komıtetiniń túsindirýinshe, salyq bereshegin murager (muragerler) muragerlik múliktiń quny sheginde jáne ony alǵan kúngi muradaǵy úleske sáıkes tóleıdi.
"Jeke tulǵa qaıtys bolǵan kúni nemese ony sottyń sheshimi negizinde qaıtys boldy dep jarıalanǵan kúni paıda bolǵan salyq bereshegi tólenedi. Bul jaǵdaıda ósimpuldy esepteý jeke tulǵanyń qaıtys bolǵan kúnine deıin júrgiziledi", – deıdi MKK mamandary.