Almatyda Baızaqov kóshesiniń ýchaskesinde jóndeý jumysyna qatysty kólik qozǵalysy ýaqytsha jabylady
Baızaqov kóshesiniń Gogol kóshesinen Raıymbek dańǵylyna deıingi ýchaskesinde ortasha jóndeý jumystarynyń júrgizilýine baılanysty 21 qarasha kúni saǵ.23:00-den 22 qarasha saǵ.06:00-ge deıin kólik qozǵalysy jabylady.
«Dauren Build» JSHS merdiger uıymy 2023 jyldyń tamyzynda Baızaqov kóshesiniń Gogol kóshesinen Raıymbek dańǵylyna deıingi ýchaskesinde jol jabyndysynyń betki qabatyn alyp tastaǵanymen, jańa jol jabyndysynyń joǵary qabatyn tósemegen.
Jol jóndeý jumystary tapsyrys berýshiniń kelisiminsiz 20 kúnnen astam toqtatylǵan.
Tapsyrys berýshi tarapynan jumystardy jalǵastyrý týraly birneshe eskertý jiberilgen bolatyn. Alaıda merdiger uıym óz jumysyn tek qazan aıynda jalǵastyra bastady. Sonymen qatar tehnıkalyq qadaǵalaý qyzmeti jumys sapasyna qatysty birqatar eskertýler jasaǵan. Biraq aqaýlar kúni búginge deıin túzetilmegen.
Sondyqtan «Dauren Build» JSHS- men jasalǵan kelisim shart buzylyp, materıaldar sotqa jiberildi.
Jol qozǵalysy qaýipsizdigin qamtamasyz etý maqsatynda ortasha jóndeý jumystaryn bıznestiń áleýmettik jaýapkershiligi aıasynda birneshe merdiger uıym birigip júrgizetin bolady.
Almatynyń qalalyq mobıldilik basqarmasy