Kúdiktiler birneshe jyl boıy dızel otynyn urlap kelgen.
Kóliktegi polısıa departamentiniń qyzmetkerleri Bas kólik prokýratýrasy jáne “Qazaqstan temir joly “UK” AQ-men birlesip, Jetisý oblysynyń Beskól stansıasynda teplovoz mashınısterinen quralǵan qylmystyq topty quryqtady, dep habarlaıdy aqshamnews.kz Polisia.kz-ke silteme jasap.
Kúdiktiler birneshe jyl boıy poıyz dıspecherlerimen qylmystyq kelisimge kelip, teplovozdardan janar-jaǵarmaı materıaldaryn quıyp alý arqyly dızel otynyn urlaǵan.
Sotqa deıingi tergep-tekserý nátıjesinde qylmystyq top urlyqtyń 45 epızodynda áshkerelenip, “QT UK” AQ-ǵa 16 mln teńgeden astam somaǵa zalal keltirdi. Jetisý oblysy Alakól aýdanynyń №2 aýdandyq sotynyń úkimimen qylmyskerler uzaq merzimge sottaldy.