Azamat júrgizýshi quqyǵynan aıyryldy.
1 jylǵa júrgizýshi kýáliginen aıyrý jazasy taǵaıyndaldy, dep habarlaıdy aqshamnews.kz Polisia.kz saıtyna silteme jasap.
Jýaly aýdanyndaǵy polısıa qyzmetkerleri Almaty oblysynyń turǵynyn memlekettik tirkeý nómirleri oqylmaıtyn avtokólikti basqarǵany úshin ustady.
Sitrak kóligi Batys Eýropa – Batys Qytaı respýblıkalyq mańyzy bar jolynyń 564-shaqyrymynda toqtatyldy. Tekserý barysynda júrgizýshi memlekettik nómirlerdegi áripterdi qyzyl qaǵazben jaýyp tastaǵany anyqtaldy. Ol taýardy Tashkent qalasynan Almaty oblysyna tasymaldaýshy eken.
Er adamǵa qatysty memlekettik tirkeý nómiri belgisin sáıkestendirýge kedergi keltiretin ne olardyń túrin ózgertetin nemese jasyratyn qurylǵylar men materıaldar qoldanyla otyryp jabdyqtalǵan kólik quralyn basqarý boıynsha hattama jasaldy. Kólik aıyp turaǵyna qoıyldy. Sot sheshimi boıynsha er adamǵa qatysty bir táýlikke qamaýǵa alý jáne 1 jylǵa júrgizýshi kýáliginen aıyrý jazasy taǵaıyndaldy.