Qazirgi tańda Qazaqstanda zeınetaqy júıesin reformalaý máseleleri talqylanyp jatyr.
QR Eńbek jáne áleýmettik qorǵaý mınıstrligi jańa ózgeristerge baılanysty jumys isteıtin zeınetkerlerdiń zeınetaqysy týraly sheshim qabyldaýda. Jospar boıynsha, zeınetke shyǵý merzimin keıinge qaldyrý jáne erterek shyǵý múmkindikteri engizilýi múmkin, dep habarlaıdy aqshamnews.kz.
Mınıstr Svetlana Jaqypova málimdegendeı, Qazaqstan azamattary ózderiniń zeınetaqy jınaqtaryn kez kelgen jaǵdaıda ala alady, biraq búdjettik qarjydan bólinetin zeınetaqy tólemderiniń bóligi qaıta qaralýy múmkin.
Eger zeınetker jasyna baılanysty zeınetke shyǵýdy keshiktirip, jumysyn jalǵastyrýdy sheshse, oǵan búdjettik zeınetaqy tólemderi toqtatylýy múmkin. Alaıda, mınıstr Jaqypova buǵan deıin jumys isteıtin zeınetkerler zeınetaqylarynan aıyrylady degen pikirdiń qate ekendigin túsindirdi.
«Men zeınetkerler týraly túsinikteme berdim. Birinshiden, keıbir sózder konteksten tys alynyp, "Jaqypova zeınetkerlerdiń zeınetaqysyn toqtatqysy keledi" degen sıaqty qate túsinik paıda boldy. Men eshqashan zeınetkerlerdiń zeınetaqy tólemderin toqtatý týraly aıtqan joqpyn. Bul aqparat durys emes. Men tek erterek nemese keıinirek zeınetke shyǵý quqyǵy týraly aıttym. Eger adam zeınetke shyqqysy kelmeı, jumys istese, oǵan zeınetaqy taǵaıyndalmaıdy», - dedi Svetlana Jaqypova úkimettik brıfıńte.
Mınıstr atap ótkenindeı, erterek nemese keıinge qaldyrylǵan zeınetke shyǵý máselesi tek zerttelip jatqan bastama bolyp tabylady jáne ony júzege asyrý 2025 jyldan keıin múmkin bolady. Sondyqtan, qazirgi ýaqytta zeınetkerlikke shyqqan jumysshylardyń zeınetaqy tólemderi ózgermeıdi.