Atalǵan memorandýmnyń maqsaty – halyqaralyq jáne respýblıkalyq mańyzy bar avtomobıl joldarynyń boıyndaǵy demalys alańdarynda SRT ozyq tehnologıalaryn paıdalana otyryp, elektromobılderge qyzmet kórsetý stansıalaryn montajdaý jáne paıdalaný jónindegi jobany óristetý
Atalǵan joba Qazaqstanda ekologıalyq taza kólikterdiń odan ári taralýyna yqpal ete otyryp, elektromobıl ıeleri úshin yńǵaıly jáne qoljetimdi ınfraqurylym qurýǵa baǵyttalǵan, dep habarlaıdy Almaty-akshamy.kz Kólik mınıstrligine silteme jasap.
Aıta keterligi, bul kelisim SRT ozyq tehnologıalaryn paıdalana otyryp, elektromobılder úshin ınfraqurylymdy damytý salasyndaǵy yntymaqtastyqty nyǵaıtýǵa degen ortaq umtylysty kórsetedi. Osy strategıalyq áriptestikte QR Kólik salasyndaǵy ınovasıalyq sheshimderdi ıntegrasıalaý salasyndaǵy tanylǵan kóshbasshy – Car Pad Transformer Limited Kólik mınıstrligi Avtomobıl joldary komıtetiniń seriktesi bolmaq.
Yntymaqtastyq aıasynda ornatylatyn stansıalar avtomobıl qozǵalysynyń barlyq qatysýshysy úshin qolaıly mýltıservıstik ortany qamtamasyz etedi dep josparlanyp otyr. Olardyń quramyna elektromobılderdi zarádtaýǵa arnalǵan núkteler, saýda alańdary kiredi. Ol osyndaı alańdardy avtomobılderge qyzmet kórsetý orny dep qana shektelmeı, sonymen qatar júrgizýshiler men jolaýshylar úshin yńǵaıly demalys ornyna aınaldyrady.
QR Kólik mınıstrliginiń Avtomobıl joldary komıteti men Car Park Transformer Limited arasyndaǵy yntymaqtastyq týraly Memorandýmǵa qol qoıý eldegi ekologıalyq taza kólik ınfraqurylymyn damytý úshin jańa perspektıvalar ashyp, ornyqty damý salasyndaǵy strategıalyq maqsattarǵa qol jetkizýge yqpal etýge baǵyttalady.