2024 jyldyń 27 aqpanynda QR Kólik mınıstrligi saǵat beldeýiniń ózgerýine baılanysty poıyzdar men reısterge qatysty suraqtar týyndaǵan jaǵdaıda azamattar habarlasa alatyn nómirlerdi jarıalady, dep habarlaıdy almaty-akshamy.kz.
Osy rette «Qazaqstan temir joly» UK» AQ kórshiles temirjol ákimshilikterimen birlese otyryp, jolaýshylar poıyzdarynyń qozǵalys kestesine ózgerister engizý boıynsha sharalardy qolǵa aldy. Ulttyq kompanıanyń aqparatyna sáıkes, jolaýshylar poıyzdarynyń qozǵalysyna qatysty barlyq ózgeris resmı saıttar men ınternet-resýrstarda qoljetimdi.
Búgingi tańda temirjol kóligimen jolaýshylardy, bagajdy, júk-bagajdy jáne poshta jóneltilimderin tasymaldaý erejelerine sáıkes barlyq jolaýshylar poıyzyna bıletterdi satý júzege asyrylyp jatyr.
Sondaı-aq jolaýshylardy ýaqtyly habardar etý úshin qyzmetkerler arasynda biryńǵaı ýaqyt beldeýine kóshý kezinde jolaýshylardy aqparattandyrý jáne poezdardyń júrý tártibi týraly tıisti nusqamalar berildi.
Jolaýshylar anyqtamalyq aqparatty 1433 nómiri boıynsha «Jolaýshylar tasymaly» AQ Biryńǵaı anyqtamalyq qyzmeti arqyly nemese @KTZH_PP_BOT Telegram botynyń kómegimen tegin ala alady.
Azamattyq avıasıa salasynda da tıisti daıyndyq jumystary júrgizilip jatyr. Atap aıtqanda, Kólik mınıstrligi halyqaralyq áýe kóligi qaýymdastyǵymen (IATA) birlese otyryp, biryńǵaı ýaqyt beldeýine kóshý boıynsha qajet jumystardy júrgizdi. Nátıjesinde otandyq áýe kompanıalary bıletterdi satý júıelerine ózgerister engizdi. Azamattarǵa qolaıly jaǵdaı jasaý maqsatynda áýe kompanıalary resmı saıttary men áleýmettik jelidegi paraqshalarynda jolaýshylarǵa barynsha aqparattyq qoldaý kórsetip jatyr.
Osylaısha, Air Astana, SCAT jáne Qazaq Air áýe kompanıalary bıletterdi satý júıesinde qajetti ózgerister engizip, jolaýshylarǵa tıisti habarlamalar joldandy. Óz kezeginde, Fly Arystan áýe kompanıasy da biryńǵaı ýaqyt beldeýine kóshýdi eskere otyryp, reıster kestesine ózgerister engizý boıynsha tehnıkalyq jumystardy aıaqtady. Jolaýshylarǵa naqty ushý ýaqyty belgilengen bıletti qalaı júktep alýǵa bolatyny týraly aqparatty kórsete otyryp, habarlamalar jiberildi.
Aıta keterligi, 29 aqpannan 2 naýryzǵa deıin Qazaqstannyń avıasıalyq ákimshiliginiń jedel shtaby bazasynda 8 7172 798214, 8 7172 798213 nómirleri boıynsha «jedel jeli» jumys isteıtin bolady. Sondaı-aq reıs boıynsha ózekti aqparatty naqtylaý úshin jolaýshylar áýejaıdyń anyqtamalyq qyzmetteri men áýe kompanıalardyń Call-ortalyqtaryna habarlasýy kerek:
- Air Astana 8 727 244 44 77, 8 7172 58 44 77, 8 702 702 44 77;
- FlyArystan 8 727 331 1010 (WhatsApp 8 702 702 0227);
- SCAT 8 7252 99 88 80;
- Qazaq Air 8 727 356 14 14.
Esterińizge sala keteıik, QR Úkimetiniń 2024 jylǵy 19 qańtardaǵy qaýlysyna sáıkes Qazaqstannyń barlyq aýmaǵynda 5-shi ýaqyt beldeýi qoldanylatyn bolady. Osylaısha, 2024 jylǵy 29 aqpannan 1 naýryzǵa qaraǵan túni (saǵat 00:00-de) jergilikti ýaqyt 1 saǵatqa shegeriledi (Astana q., Almaty q., Shymkent q., Abaı, Aqmola, Almaty, Jambyl, Qaraǵandy, Qostanaı, Pavlodar, Soltústik Qazaqstan, Túrkistan, Shyǵys Qazaqstan, Jetisý jáne Ulytaý oblystary).