Úkimet otyrysynan keıin ótip jatqan baspasóz konferensıasynda Kólik mınıstri men Ekologıa jáne tabıǵı resýrstar mınıstrine Álıa Nazarbaevanyń «Qazaqstan temirjoly» jáne «Operator ROP» kásiporyndarynyń qurylymyndaǵy qazirgi mártebesi týraly aıtyp berdi
«Bizdiń málimetimiz boıynsha, Álıa Nazarbaeva hanymnyń «QTJ»-da jolaýshy bıletin satyp alý baǵdarlamasy boıynsha bıznes úlesi bolǵan. Sondaı-aq, qoqys shyǵarý júıesinde bıznesi bolǵan. Osy kásiporyndaǵy Nazarbaeva hanymnyń mártebesi týraly aıtyńyzdarshy, áli de bıznes úlesi bar ma?» - dep surady BAQ ókili.
Ekologıa jáne tabıǵı resýrstar mınıstri Erlan Nysanbaev qoqys shyǵarý qyzmetinde Álıa Nazarbaevanyń úlesi qalmaǵanyn resmı málimdedi.
«ROP» - qazir 100 paıyz memlekettik kásiporyn. Iá, buǵan deıin jeke menshik kásiporyn bolǵan. Sol adamnyń kásiporny bolǵan shyǵar, naqty bilmeımin. Biraq, búgingi tańda «ROP» memlekettik kásiporyn retinde jumys istep tur. Men resmı málimdeımin, qoqys shyǵarý kompanıasy boıynsha da, qoqysty qaıta óńdeý, suryptaý baǵytynda da Nazarbaevanyń qatysy joq», - dedi mınıstr.
Kólik mınıstri Marat Qarabaev Álıa Nazarbaevanyń «QTJ» qyzmetine de qazir qatysy joq ekenin aıtty.
«Biz qosymsha anyqtadyq. Siz ataǵan tulǵanyń «QTJ» qyzmetine qazir eshqandaı qatysy joq. Qurylymynda onyń eshbir úlesi joq», - dedi Kólik mınıstri.