«Qorǵaý - Qaýipti júrgizýshi» júıesi arqyly alıment boıynsha boryshkerler anyqtaldy
Jergilikti polısıa qyzmetiniń izdestirý bólimshesi habarlaǵandaı, Almaty oblysy, Qarasaı aýdandyq sotynyń sheshimimen Lada avtokóliginiń júrgizýshisiniń júrgizýshi kýáligi onyń úsh mıllıon teńge kólemindegi alıment boıynsha bereshegi bolýyna baılanysty ýaqytsha toqtatyldy.
«Alaıda quqyq buzýshy sot sheshimin elemeı, kólikti basqarýdy jalǵastyrǵan. Onyń kóligi “Qorǵaý – qaýipti júrgizýshi” avtomattandyrylǵan júıesi arqyly jalpy kólik aǵynynda anyqtaldy. Polısıa Lada kóligin mamandandyrylǵan aıyppul turaǵyna qoıǵan. Júrgizýshige qatysty QR ÁQBtK-niń 612-baby 2-bóligi (Qujattary joq jáne basqarý quqyǵy joq adamnyń kólik quralyn basqarýy) boıynsha hattama toltyryldy», – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Serik Shýmaev.
Sondaı-aq polısıada “Quqyqtyq tártip” is-sharasynyń 10 kúniniń ishinde Almaty joldarynda kólik júrgizýge quqyǵy joq 197 júrgizýshi ustalǵanyn habarlady