Qazaqstanǵa tanymal Nurlan ımam bul jańalyqty Instagram paraqshasynda jazdy.
Nurlan qajy Baıjigituly Astanadaǵy Yryskeldi qajy meshitiniń aldyna ózge ǵıbadat oryndarynda joq qurylǵy ornatqyzdy, dep habarlaıdy Almaty-akshamy.kz
Elimizdegi alǵashqy eko meshit atanǵan «Yryskeldi qajy» meshiti taǵy bir jabdyqpen tolyqty. Nurlan ımamnyń bastamasymen meshittiń aldyna elektrli avtokólikti qýattaıtyn qondyrǵy ornatyldy.
«Mynaý Astana qalasyndaǵy Yryskeldi qajy meshitiniń janyndaǵy avtoturaq. Osy meshitte elimizde tuńǵysh ret elektrli avtokólikti qýattaıtyn qondyrǵy qoıyldy. Endi namaz oqyǵan kezde Zeekr, taǵy basqa kólikterińizdi qýattasańyzdar bolady. Ózderińiz ımamnyń ýaǵyzymen qýattanyp, kólikterińizdi osy qondyrǵydan qýattap qaıtasyzdar», dedi Nurlan Baıjigituly.