Almatyda «Shymbulaq» taý kýrortynyń mereıtoılyq maýsymy ashylady, dep habarlaıdy Almaty-akshamy.kz
Almatyda 23 jeltoqsanda Shymbulaq taý kýrortynyń 70 jyldyǵyna oraı mereıtoılyq syrǵanaý maýsymy ashylady. Kýrorttyń tarıhy 1954 jyly «Shymbulaqta» taý shańǵysy sportynan alǵashqy búkilodaqtyq jarystar ótkizile bastaǵan kezden bastalady. 1983 jyldan bastap Shymbulaq taý shańǵysynan daıarlaıtyn olımpıadalyq ortalyqqa aınaldy. Al 2010 jyly «Medeýden» «Shymbulaq» bazalyq stansasyna deıin gondola joly iske qosyldy.
Maýsymnyń ashylýyna oraı taý kýrorty qonaqtarǵa birqatar ózgerister daıyndady:
- Kombı-1 orta stansasynda jańa aqparattyq ortalyq ashylady.
- balalardy shańǵyǵa úıretý úshin «Shymbulaq» bazalyq stansasynda Aq Barsık jańa oqý trassasy iske qosylady.
- Medeu Camp glampıng aýmaǵynda «Monti Bambini» meıramhanasynyń ashylýy ótedi.
- «Talǵar asýy» stansasynda SYÑ 32 meıramhanasynyń ashylýy ótedi.
- «Medeý» bazalyq stansasynyń aýmaǵynda «Shymbulak Medeu Camp» balalar taý lageri aıasynda otbasylyq demalysqa arnalǵan glampıng uıymdastyrylady.
- «Medeý» bazalyq stansasynda aýdany 1 100 m2 shyǵarmashylyq habtyń ashylýy ótedi.
- «Shymbulaq» bazalyq stanspsynda pop-up Park ashylýy ótedi.
Aıta ketý kerek, 2011 jyly Shymbulaqta Qysqy Azıa oıyndaryna oraı jańǵyrtý jumystary júrgizildi. 2017 jyly taý shańǵysy, snoýbord jáne frıstaıldan Dúnıejúzilik Qysqy Ýnıversıada ótti. 2019 jyldan bastap kýrortta frıstaıldan álem kýbogynyń kezeńderi ótkizilýde. Sondaı-aq 2021 jyly Táýelsiz Qazaqstan tarıhynda alǵash ret frıstaıldan álem chempıonaty ótkizildi.
Sonymen qatar, 2023 jyldyń 26 naýryzynda «Shymbulaq» Gınnestiń rekordtar kitabyna «Álemdegi eń bıik túngi shańǵy trassasy» bar kýrort retinde resmı túrde endi.